Author: vijayshah

રુમઝુમ રુમઝુમ રાતલડીના

સોળ શિંગાર સજીને આવી

મધુર મધુર હસતી આવી

લક્ષ્મીજીની મહેર લાવી

ભગવાન વિષ્ણુનો સંદેશ લાવી

health- wealth- peace- prosperity

ના વરદાન સાથે

ધંતેરશનું પૂજન લાવી

કાળી ચૌદશ લાગે ખૂબસૂરત

થાયે શુધ્ધા મન વિચાર મૂરત

નવલખ દિવા ઝગમગ ઝગમગ

આવી દિવાળી આવી દિવાળી

પ્રકાશની તો માળા લાવી

દિલમાં ઘરમાં રોશની લાવી

મેઘધનુષનાં રંગો લાવી

નવા વર્ષની વધાઇ લાવી

મીઠા મીઠા સ્વપ્નો લાવી

એક નવી આશ સાથે

આવી આવી દિવાળી આવી

ફાગણ મહિનો આવ્યો

વસંતને લઇને આવ્યો

આ કેવી પ્રભુની બલિહારી

ડાળ ડાળ પર ફુલડા ડોલે

ફુલફુલ પર  ભમરા ગુંજે

રંગોની ક્યારીઓ ઝુમે

રોમ રોમમાં સ્ફુર્તિ જાગે

હોળીની પિચકારી લાગે

ગુલાલની તો રમઝટ જામે

દિવસો લાંબા લાંબા લાગે

શીવ શીવ કરતી ઠંડી ભાગે

વસંત ઋતુની શહેનાઇ વાગે

સુર નાચના સંગમ સાજે

કવિઓનું તો દિલડુ ડોલે

અંતરનો ઉમળકો ડોલે

ફાગણ મહિનો દ્વાર ખોલે